Pinalalakas ng Department of Labor and Employment (DOLE) at ng Technical Education and Skills Development Authority (TESDA) ang oportunidad sa trabaho at kabuhayan para sa mga Pilipino sa pamamagitan ng bagong Supplemental Joint Memorandum Circular na nilagdaan noong Hunyo 24, 2026.
Sa ilalim ng kasunduan, magkakaroon ng “graduation system” para sa mga benepisyaryo ng mga programa ng DOLE. Maaari silang mapabilang sa Employment Track o Livelihood Track depende sa kanilang kakayahan, kalagayang pang-ekonomiya, at mga layunin sa karera.
Ayon kay DOLE Secretary Francis Tolentino, layunin ng programa na mabigyan, lalo na ang mga kabataan, ng pagkakataong magsanay, magkaroon ng negosyo, at makamit ang pangmatagalang kabuhayan.
Kasama rito ang pag-uugnay ng TUPAD at DOLE Integrated Livelihood Program (DILP) sa mga training program ng TESDA. Maaaring sumailalim ang mga benepisyaryo sa Special Training for Employment Program (STEP), na nag-aalok ng libreng pagsasanay, competency assessment, starter toolkits, at training allowance.
About the Author
