Dating Quadcom Chair at Surigao Del Sur Rep. Ace Barbers itinalaga bilang bagong spokesman ng panel.
Iprinisinta ng House prosecution panel ang karagdagang private prosecutors na tutulong para sa nalalapit na Senate impeachment trial laban kay Vice President Sara Duterte.
Ito ay sina former Supreme Court spokesman Atty. Theodore Te, na nagsilbi din bilang Chief Public Information Officer ng Korte Suprema (2013–2018) at kasalukuyang interim chairperson ng Free Legal Assistance Group (FLAG)—ang pinakamatandang network ng human rights lawyers sa bansa.
Si Atty. Reynaldo B. Robles: Founding at managing partner ng Chan Robles & Associates, may malawak na karanasan sa criminal at corporate litigation af nagsilbi ring chief of staff at chief legislative consultant sa Senado.
Si Atty. Arnold Labay, Isang CPA-lawyer at nagtuturo ng batas sa New Era University, at may-akda ng libro ukol sa Persons and Family Relations.
Kasama din si Atty. Mae S. Divinagracia na eksperto sa commercial, civil, at criminal litigation at si Atty. Benjamin Tolosa na isa rin sa legal spokesperon ng prosecution team.
Makakasama naman si dating Cong. Robert Ace Barbers sa hanay ng mga tagapagsalita at magsisilbi ring adviser ng prosekusyon.
Bitbit ni Barbers ang kaniyang karanasan bilang dating Gobernador at kinatawan ng Surigao del Norte at ang kanyang makasaysayang pangangasiwa ng Quad Committee at Committee on Dangerous Drugs. | ulat ni Melany Reyes
About the Author
