Pinangunahan ni Senate President Sherwin Gatchalian sa isang inter agency security coordinating conference para matiyak ang seguridad sa loob at labas ng senado sa pagsisimula ng impeachment trial ni Vice President Sara Duterte sa Lunes, July 6.
Sa naturang conference tiniyak ni Gatchalian na lahat ng logistical, administrative at security requirements ay nakahanda na sa gagawing paglilitis sa pangalawang pangulo.
Kabilang sa pinulong ng senate president ang Sergeant-at-Arms ng senado at kamara; officers at representatives ng National Intelligence Coordinating Agency (NICA); Armed Forces of the Philippines (ADP); Government Service Insurance System (GSIS); National Bureau of Investigation (NBI); Metro Manila Development Authority (MMDA); Department of Transportation (DOTr); Philippine National Police (PNP); Bureau of Fire Protection (BFP); at ang lokal na pamahalaan ng Pasay City.
Bukod sa mga taga prosecution at defense panel, inaasahan din ang maraming miyembro ng media na magco-cover sa impeachment trial at ilan nating kababayan na papayagan na manood ng paglilitis na isasagawa sa plenary hall ng senado. | ulat ni Nimfa Asuncion
About the Author
