Naka-heightened alert na ang Philippine Coast Guard (PCG) bilang paghahanda sa posibleng epekto ng Super Typhoon Inday sa National Capital Region, Northeastern Luzon, Northwestern Luzon, at Bicol Region.
Iniutos ni PCG Commandant Admiral Ronnie Gil Gavan sa lahat ng concerned coast guard districts, stations, at sub-stations ang pagpapatupad ng preparedness measures at mahigpit na koordinasyon sa local disaster risk reduction and management councils at local government units.
Ayon kay Philippine Coast Guard Acting Spokesperson Commander Michael John Encina, in-activate na ng PCG ang preparedness and response measures sa ilalim ng Intensified Community Assistance, Awareness, Response, and Enforcement o iCARE campaign.
Kabilang sa paghahanda ang pagtulong sa maagang paglikas ng mga residente sa high-risk coastal areas, pagpapalabas ng sea travel advisories, pag-secure sa mga pantalan at pasilidad ng coast guard, at pag-preposition ng deployable response groups.
Na-mobilize na rin ang PCG auxiliary para tumulong sa preparedness at response operations.
Pinapayuhan ng PCG ang publiko na subaybayan ang official weather bulletins at agad i-report sa pinakamalapit na coast guard unit ang anumang maritime emergency.
About the Author
