Nagsagawa ang Department of Justice (DOJ), sa pamamagitan ng Refugees and Stateless Persons Protection Unit (DOJ-RSPPU), ng One-Stop-Shop Government Services sa DOJ Justice Hall kaugnay ng paggunita sa National Refugee Day 2026.
Pinangunahan ito ng DOJ-RSPPU bilang chair ng Inter-Agency Committee for the Protection of Refugees and Stateless Persons, na binuo sa ilalim ng Executive Order Number 163, series of 2022.
Layunin ng aktibidad na ilapit sa refugees at iba pang persons of concern ang mga serbisyo ng pamahalaan gaya ng identity documents, registration, employment facilitation, legal assistance, ayuda, referral sa mga ahensya, at GCash account creation.
Kabilang sa nakiisa ang Department of Social Welfare and Development (DSWD) bilang co-chair ng IAC, gayundin ang Department of Foreign Affairs (DFA), Department of Labor and Employment (DOLE), Department of Trade and Industry (DTI), Department of Transportation (DOTr), Professional Regulation Commission (PRC), Bureau of Immigration (BI), Philippine Health Insurance Corporation (PhilHealth), Philippine Statistics Authority (PSA), Public Attorney’s Office (PAO), at Technical Education and Skills Development Authority (TESDA).
Mahigit 100 persons of concern, kabilang ang mga pamilya, kababaihan, at kabataan, ang nabigyan ng serbisyo.
Kasabay ng OSS, nagsagawa rin ng food bazaar sa labas ng DOJ Justice Hall kung saan tampok ang mga pagkaing inihanda ng ilang refugees at persons of concern.
📸 DOJ
About the Author
