Sinabi ni Senate Secretary Renato Bantug Jr. na walang sinabi si Atty. Zuleika Lopez, Chief of Staff ni Vice President Sara Duterte, kung dadating o dadalo ang bise presidente sa kanyang impeachment trial sa susunod na linggo.
Binahagi ito ng senate secretary matapos pumunta ni Lopez sa Senado ngayong araw at makipag-usap kay Bantug.
Una nang sinabi ni Bantug na administrative matters lang ang napag-usapan nila ni Lopez.
Pero napag-usapan aniya nila ang security arrangement sakaling pumunta si VP Sara.
Tiniyak naman ng senate secretary na handa ang senado anumang oras magdesisyon si Duterte na pumunta sa Senado. | ulat ni Nimfa Asuncion
About the Author
