Lusot na sa Commission on Appointments (CA) ang ad interim appointment ni AFP Chief of Staff General Antonio Nafarrete.
Inaprubahan rin ng CA ad interim appointment ng 37 general, flag officers at senior officers ng Armed Forces of the Philippines (AFP).
Naniniwala si CA-National Defense Committee Chairman Joboy Aquino II sa integridad at kakayahan ng 38 matataas na opisyal ng hukbong sandatahan na naaprubahan CA.
Sa naging pagdinig ng CA commiittee, binahagi ni Nafarrete na kabilang sa prayoridad ng AFP sa ilalim ng kanyang pamumuno ang pagpapatuloy ng modernisasyon sa AFP sa pamamagitan ng pag-upgrade sa capabilities ng militar sa kanilang unmanned systems, communications at joint command and control para mapalawig at mapahusay pa ang maritime domain awareness sa bansa.
Kabilang rin sa inaprubahan ng CA ang ad interim appointment ng dating kongresista na si BGen. Michael Romero ng Philippine Air Force (Reserve). | ulat ni Nimfa Asuncion
About the Author
