Photo courtesy of Supreme Court of the Philippines
Itinalaga ng Korte Suprema si dating Deputy Ombudsman Gerard Mosquera bilang kauna-unahang Judicial Integrity Officer ng hudikatura, bilang bahagi ng mga repormang layuning palakasin ang judicial accountability at mapanatili ang tiwala ng publiko sa sistema ng hustisya.
Pinangunahan ni Chief Justice Alexander Gesmundo ang panunumpa ni Mosquera noong ika-14 ng Agosto sa Supreme Court Dignitaries’ Lounge sa Maynila. Si Mosquera ang unang humawak sa posisyong ito matapos gawing Judicial Integrity Office ang dating Judicial Integrity Board noong 2025. Ang Judicial Integrity Officer ay magsisilbi ng apat na taong termino at maaaring maitalaga muli para sa isa pang termino.
Mahigit tatlong dekada ang karanasan ni Mosquera sa pampublikong serbisyo. Naging Deputy Ombudsman for Luzon siya mula 2012 hanggang 2019 at nagsilbi rin sa Department of Labor and Employment (DOLE), Senate Blue Ribbon Committee, at sa larangan ng akademya.
Ayon sa Korte Suprema, ang paglikha ng Judicial Integrity Office ay bahagi ng mas malawak na reporma upang higit pang mapalakas ang integridad, pananagutan, at kredibilidad ng hudikatura sa harap ng publiko.
About the Author
