Umabot na sa 23 ang nasawi sa pinagsamang epekto ng Bagyong Luis at Maymay at Habagat, batay sa datos hanggang kaninang umaga, August 16.
Sa ulat ng National Disaster Risk Reduction and Management Council (NDRRMC), pinakamarami ang nasawi sa Benguet na may 15, kabilang ang 10 sa Baguio, dalawa sa La Trinidad, at tatlo sa Atok.
Labimpito naman ang sugatan, habang tatlo ang nawawala.
Umabot na sa 1.41 milyong pamilya o higit 4.9 milyong katao ang naapektuhan sa 10 rehiyon.
May 407 evacuation centers na kasalukuyang kumukupkop sa mahigit 9,100 pamilya o 31,456 katao.
Nasa 1,845 bahay ang napinsala, kabilang ang 1,667 bahagyang nasira at 178 totally damaged.
Tinatayang ₱3.36 bilyon ang pinsala sa imprastraktura at ₱689.66 milyon naman sa agrikultura. Samantala, ₱654.59 milyon na halaga ng ayuda ang naipamahagi sa mga apektadong komunidad.
About the Author
1 thought on “Bilang ng mga nasawi sa epekto ng Bagyong Luis, Maymay at Habagat, nasa 23 na — NDRRMC”