Nakipagpulong ang National Commission on Indigenous Peoples (NCIP) sa UN Working Group on Business and Human Rights para talakayin ang 2026 Guidelines on Free, Prior and Informed Consent (FPIC).
Pinangunahan ni NCIP Chairperson Nancy Catamco ang pulong kay Dr. Pichamon Yeophantong, Member for Asia-Pacific ng UN Working Group.
Ayon kay Catamco, isinasaalang-alang sa guidelines ang karanasan at mga rekomendasyon ng Indigenous Cultural Communities/Indigenous Peoples, civil society organizations, government agencies, project proponents at iba pang stakeholders.
Binigyang-diin niya na layunin ng bagong guidelines na protektahan ang karapatan ng mga katutubo habang nagbibigay ng malinaw na proseso para sa mga development project sa ancestral domains.
Napag-usapan din ang patuloy na dayalogo upang maging malinaw ang pagpapatupad at interpretasyon ng mga probisyon ng 2026 FPIC Guidelines.
About the Author
