📷 Senate of the Philippines
Sa ika-17 araw ng impeachment trial ni Vice President Sara Duterte kahapon, hiniling ng House prosecution panel sa Senate Impeachment Court na ipa-subpoena ang tatlong opisyal ng Armed Forces of the Philippines (AFP) para tumestigo sa Miyerkules, Augusto 26.
Kabilang sa nais ipatawag sina Col. Manaros Boransing II, Col. Magtanggol Panopio, at Col. Adonis Bajao.
Inihain ang kahilingan matapos ipabatid na hindi makakadalo sa paglilitis si dating Department of Education special disbursing officer Edward Fajarda, isa rin sa mga testigong nakatakdang iharap ng prosekusyon, matapos itong ma-stroke.
Samantala, natapos na rin ang pagtestigo ni Gina Acosta, dating special disbursing officer ng Office of the Vice President at unang hostile witness ng prosekusyon.
Ipinakita ni private prosecutor Atty. Amando Virgil Ligutan ang mga acknowledgment receipt na may mga hindi pangkaraniwang pangalan, kabilang ang isang Antonio Pagong at Timon Andrew Pusa. Ngayong araw, nakatakdang humarap bilang testigo sa paglilitis si Lemuel Ortonio, assistant chief of staff ng OVP.
About the Author
