𝘗643.95-𝘉 𝘱𝘳𝘰𝘱𝘰𝘴𝘦𝘥 𝘋𝘗𝘞𝘏 𝘣𝘶𝘥𝘨𝘦𝘵, 𝘯𝘢𝘬𝘢𝘵𝘶𝘰𝘯 𝘴𝘢 𝘰𝘯𝘨𝘰𝘪𝘯𝘨 𝘢𝘵 𝘪𝘮𝘱𝘭𝘦𝘮𝘦𝘯𝘵𝘢𝘵𝘪𝘰𝘯-𝘳𝘦𝘢𝘥𝘺 𝘧𝘭𝘢𝘨𝘴𝘩𝘪𝘱 𝘱𝘳𝘰𝘫𝘦𝘤𝘵𝘴
Inaasahang makatutulong ang mas mataas na public infrastructure spending sa 2027 para mapanatili ang paglago ng ekonomiya, makalikha ng mga trabaho, mapababa ang logistics at travel costs, at mapalakas ang connectivity sa buong bansa. Ito ay kasunod ng panukala ng administrasyon ni Pangulong Ferdinand R. Marcos Jr. na maglaan ng P643.95 bilyon para sa Department of Public Works and Highways (DPWH) sa ilalim ng Fiscal Year (FY) 2027 National Expenditure Program (NEP).
Ang panukalang DPWH allocation ay P113.05 billion, o 21.29 percent, na mas mataas kumpara sa P530.90-bilyong budget nito sa ilalim ng FY 2026 General Appropriations Act (GAA). Bahagi nito ay para sa funding requirements ng mga ongoing locally funded at foreign-assisted Infrastructure Flagship Projects.
Binigyang-diin ng Department of Budget and Management (DBM) na ang infrastructure investments ay hindi lang paggastos para sa mga physical structures. Ang mga ito ay investments na layong mapataas ang productivity, mapalakas ang economic activity, maiugnay ang mga komunidad sa mga merkado at oportunidad, at makapaghatid ng mas mahusay na public services.
“𝘗𝘶𝘣𝘭𝘪𝘤 𝘪𝘯𝘧𝘳𝘢𝘴𝘵𝘳𝘶𝘤𝘵𝘶𝘳𝘦 𝘤𝘰𝘯𝘵𝘪𝘯𝘶𝘦𝘴 𝘵𝘰 𝘴𝘦𝘳𝘷𝘦 𝘢𝘴 𝘰𝘯𝘦 𝘰𝘧 𝘵𝘩𝘦 𝘴𝘵𝘳𝘰𝘯𝘨𝘦𝘴𝘵 𝘦𝘯𝘨𝘪𝘯𝘦𝘴 𝘰𝘧 𝘦𝘤𝘰𝘯𝘰𝘮𝘪𝘤 𝘵𝘳𝘢𝘯𝘴𝘧𝘰𝘳𝘮𝘢𝘵𝘪𝘰𝘯. 𝘌𝘷𝘦𝘳𝘺 𝘳𝘰𝘢𝘥, 𝘳𝘢𝘪𝘭𝘸𝘢𝘺, 𝘴𝘤𝘩𝘰𝘰𝘭, 𝘣𝘳𝘪𝘥𝘨𝘦, 𝘩𝘰𝘴𝘱𝘪𝘵𝘢𝘭, 𝘣𝘶𝘪𝘭𝘥𝘪𝘯𝘨, 𝘢𝘯𝘥 𝘸𝘢𝘵𝘦𝘳 𝘴𝘺𝘴𝘵𝘦𝘮 𝘸𝘦 𝘤𝘰𝘯𝘴𝘵𝘳𝘶𝘤𝘵 𝘰𝘱𝘦𝘯𝘴 𝘯𝘦𝘸 𝘰𝘱𝘱𝘰𝘳𝘵𝘶𝘯𝘪𝘵𝘪𝘦𝘴, 𝘤𝘳𝘦𝘢𝘵𝘦𝘴 𝘫𝘰𝘣𝘴, 𝘪𝘮𝘱𝘳𝘰𝘷𝘦𝘴 𝘤𝘰𝘯𝘯𝘦𝘤𝘵𝘪𝘷𝘪𝘵𝘺, 𝘢𝘯𝘥 𝘦𝘯𝘩𝘢𝘯𝘤𝘦𝘴 𝘵𝘩𝘦 𝘲𝘶𝘢𝘭𝘪𝘵𝘺 𝘰𝘧 𝘭𝘪𝘧𝘦 𝘰𝘧 𝘮𝘪𝘭𝘭𝘪𝘰𝘯𝘴 𝘰𝘧 𝘍𝘪𝘭𝘪𝘱𝘪𝘯𝘰𝘴,” pahayag ni President Marcos sa kanyang Budget Message para sa FY 2027.
“𝘍𝘰𝘳 𝘋𝘗𝘞𝘏 𝘴𝘱𝘦𝘤𝘪𝘧𝘪𝘤𝘢𝘭𝘭𝘺, 𝘪𝘵𝘴 𝘱𝘳𝘰𝘱𝘰𝘴𝘦𝘥 𝘗643.95 𝘣𝘪𝘭𝘭𝘪𝘰𝘯 𝘢𝘭𝘭𝘰𝘤𝘢𝘵𝘪𝘰𝘯 𝘪𝘴 21.29 𝘱𝘦𝘳𝘤𝘦𝘯𝘵 𝘩𝘪𝘨𝘩𝘦𝘳 𝘵𝘩𝘢𝘯 𝘪𝘵𝘴 𝘍𝘠 2026 𝘎𝘈𝘈 𝘭𝘦𝘷𝘦𝘭, 𝘥𝘳𝘪𝘷𝘦𝘯 𝘪𝘯 𝘱𝘢𝘳𝘵 𝘣𝘺 𝘰𝘯𝘨𝘰𝘪𝘯𝘨 𝘭𝘰𝘤𝘢𝘭𝘭𝘺 𝘧𝘶𝘯𝘥𝘦𝘥 𝘢𝘯𝘥 𝘍𝘰𝘳𝘦𝘪𝘨𝘯-𝘈𝘴𝘴𝘪𝘴𝘵𝘦𝘥 𝘐𝘯𝘧𝘳𝘢𝘴𝘵𝘳𝘶𝘤𝘵𝘶𝘳𝘦 𝘍𝘭𝘢𝘨𝘴𝘩𝘪𝘱 𝘗𝘳𝘰𝘫𝘦𝘤𝘵𝘴,” ayon kay Department of Budget and Management (DBM) Acting Secretary Kim Robert C. De Leon.
“𝘔𝘰𝘳𝘦 𝘵𝘩𝘢𝘯 𝘪𝘯𝘷𝘦𝘴𝘵𝘪𝘯𝘨 𝘪𝘯 𝘳𝘢𝘪𝘭𝘸𝘢𝘺𝘴, 𝘱𝘶𝘣𝘭𝘪𝘤 𝘵𝘳𝘢𝘯𝘴𝘱𝘰𝘳𝘵 𝘴𝘺𝘴𝘵𝘦𝘮𝘴, 𝘱𝘰𝘳𝘵𝘴, 𝘰𝘳 𝘢𝘪𝘳𝘱𝘰𝘳𝘵𝘴, 𝘵𝘩𝘦𝘴𝘦 𝘢𝘭𝘴𝘰 𝘴𝘩𝘰𝘸 𝘵𝘩𝘢𝘵 𝘪𝘯𝘷𝘦𝘴𝘵𝘪𝘯𝘨 𝘪𝘯 𝘴𝘩𝘰𝘳𝘵𝘦𝘳 𝘵𝘳𝘢𝘷𝘦𝘭 𝘵𝘪𝘮𝘦𝘴, 𝘭𝘰𝘸𝘦𝘳 𝘭𝘰𝘨𝘪𝘴𝘵𝘪𝘤𝘴 𝘤𝘰𝘴𝘵𝘴, 𝘴𝘵𝘳𝘰𝘯𝘨𝘦𝘳 𝘳𝘦𝘨𝘪𝘰𝘯𝘢𝘭 𝘤𝘰𝘯𝘯𝘦𝘤𝘵𝘪𝘷𝘪𝘵𝘺, 𝘢𝘯𝘥 𝘨𝘳𝘦𝘢𝘵𝘦𝘳 𝘢𝘤𝘤𝘦𝘴𝘴 𝘵𝘰 𝘫𝘰𝘣𝘴 𝘢𝘯𝘥 𝘦𝘤𝘰𝘯𝘰𝘮𝘪𝘤 𝘰𝘱𝘱𝘰𝘳𝘵𝘶𝘯𝘪𝘵𝘪𝘦𝘴 𝘧𝘰𝘳 𝘰𝘶𝘳 𝘱𝘦𝘰𝘱𝘭𝘦 𝘢𝘳𝘦 𝘪𝘮𝘱𝘰𝘳𝘵𝘢𝘯𝘵 𝘱𝘳𝘪𝘰𝘳𝘪𝘵𝘪𝘦𝘴 𝘰𝘧 𝘵𝘩𝘪𝘴 𝘢𝘥𝘮𝘪𝘯𝘪𝘴𝘵𝘳𝘢𝘵𝘪𝘰𝘯,” dagdag ng Acting Budget Secretary.
𝗡𝗮𝗴𝘀𝗶𝘀𝗶𝗺𝘂𝗹𝗮 𝗮𝗻𝗴 𝘀𝗮𝗳𝗲𝗴𝘂𝗮𝗿𝗱𝘀 𝗯𝗮𝗴𝗼 𝗽𝗮 𝗺𝗮𝗽𝗮𝘀𝗮𝗺𝗮 𝗮𝗻𝗴 𝗺𝗴𝗮 𝗽𝗿𝗼𝘆𝗲𝗸𝘁𝗼 𝘀𝗮 𝗡𝗘𝗣
Binigyang-diin ng DBM na may kaakibat na safeguards ang mas mataas na infrastructure allocation, na nagsisimula pa lamang sa budget preparation stage. Sumasailalim muna sa evaluation at validation ang mga infrastructure proposals bago ikonsidera para maisama sa NEP.
Alinsunod sa FY 2027 Budget Call at Budget Priorities Framework, sinusuri ang mga panukalang proyekto batay sa kanilang alignment sa national at regional development priorities, implementation readiness, project maturity, absorptive capacity at nakaraang utilization performance, inaasahang resultas, at kabuuang halaga para sa Filipino people.
Para sa infrastructure projects, kailangan ding magsumite ang mga ahensya ng kumpleto at sapat na project information at supporting documents para mapatunayan ang pangangailangan sa proyekto at kahandaan nitong ipatupad. Depende sa nature at yugto ng proyekto, maaaring kabilang dito ang feasibility studies at detailed engineering requirements, procurement plans, right-of-way requirements, mga kinakailangang clearance at permit, katibayan ng koordinasyon sa mga concerned LGUs at implementing entities, at certification laban sa project duplication, bukod sa iba pang requirements.
Ang mga region-specific programs at projects ay sumasailalim din, kung saan applicable, sa Regional Development Council (RDC) process. Layunin nitong matiyak na ang mga proposed investments ay nakaayon sa regional development plans at priorities at dumaan sa consultation at coordination sa regional level. Bahagi ang mga RDC endorsements ng supporting requirements na isinasaalang-alang sa evaluation ng agency budget proposals.
Isinasaalang-alang din ng DBM ang absorptive capacity ng implementing agency at budget utilization performance nito para matukoy kung realistic na maipatutupad at madi-disburse sa loob ng fiscal year ang karagdagang appropriations.
Bahagi ang mga safeguards na ito ng pagsisikap ng gobyerno na matiyak na ang mga infrastructure projects na isinasama sa proposed national budget ay kinakailangan, may sapat na supporting documents, nakaayon sa national at regional priorities, implementation-ready, at kayang maghatid ng nasusukat na benepisyo sa publiko.
Ang mga proyektong kalaunan ay mapopondohan sa ilalim ng national budget ay mananatiling sakop ng applicable procurement, budgeting, accounting, auditing, monitoring, at transparency requirements habang ipinapatupad ang mga ito.
𝗠𝗮𝗷𝗼𝗿 𝗳𝗹𝗮𝗴𝘀𝗵𝗶𝗽 𝗽𝗿𝗼𝗷𝗲𝗰𝘁𝘀 𝘀𝗮 𝗟𝘂𝘇𝗼𝗻, 𝗩𝗶𝘀𝗮𝘆𝗮𝘀, 𝗮𝘁 𝗠𝗶𝗻𝗱𝗮𝗻𝗮𝗼
Kabilang sa mga major Infrastructure Flagship Projects na susuportahan sa ilalim ng proposed FY 2027 allocation ang Laguna Lakeshore Road Network Project, Bataan-Cavite Interlink Bridge Project, Davao City Bypass Construction Project, Package I, Cebu-Mactan Bridge and Coastal Road Construction Project, at Pasig-Marikina River Channel Improvement Project, Phase IV.
Ang laguna Lakeshore Road Network Project ang may pinakamalaking allocation sa limang proyekto, na may P35.21 billion. Kabilang sa proyekto ang pagtatayo ng 37.6-kilometer primary road mula Lower Bicutan hanggang Calamba at target itong matapos sa 2028. Sinusuportahan ito ng Asian Development Bank (ADB), Asian Infrastructure Investment Bank (AIIB), at Korea’s Economic Development Cooperation Fund (KEXIM-EDCF).
May P22.49 billion naman para sa Bataan-Cavite Interlink Bridge Project, isang 32.15-kilometer, four-lane bridge na tatawid sa Manila Bay at magdudugtong sa Mariveles, Bataan at Naic, Cavite. Sinusuportahan ito ng ADB at AIIB at inaprubahan na para sa implementation.
Sa Mindanao, may P11.96 billion para sa Package I ng Davao City Bypass Construction Project, isang ongoing Japan-assisted project na kinabibilangan ng 45.5-kilometer, four-lane bypass road sa Davao City. Target itong matapos sa 2028.
Para naman sa Central Visayas, may P8.57 billion para sa Cebu-Mactan Bridge and Coastal Road Construction Project, na sakop ang 3.34-kilometer bridge at 5.34-kilometer Mandaue Coastal Road. Ang Japan-supported project ay inaprubahan na para sa implementasyon at target na matapos sa 2030.
May P8.54 billion din sa proposed FY 2027 budget para sa Pasig-Marikina River Channel Improvement Project, Phase IV, isang ongoing Japan-assisted water resources project na sakop ang National Capital Region at Region IV-A. Kabilang dito ang channel improvement works para sa Middle Marikina River, kasama ang Manggahan Control Gate Structure at dalawang floodgates, kung saan nagtatagpo ang Cainta at Taytay rivers sa Manggahan Floodway.
𝗣𝟭.𝟰𝟳-𝗧 𝗶𝗻𝗳𝗿𝗮𝘀𝘁𝗿𝘂𝗰𝘁𝘂𝗿𝗲 𝗽𝗿𝗼𝗴𝗿𝗮𝗺 𝗽𝗮𝗿𝗮 𝗺𝗮𝗸𝗮𝘁𝘂𝗹𝗼𝗻𝗴 𝘀𝗮 𝗽𝗮𝗴𝗹𝗶𝗸𝗵𝗮 𝗻𝗴 𝗽𝗮𝗴-𝘂𝗻𝗹𝗮𝗱
Bahagi ang proposed DPWH allocation ng mas malawak na Build Better More Infrastructure Program ng administrasyon. Para rito, P1.47 trillion ang proposed allocation sa FY 2027 upang suportahan ang priority infrastructure investments sa buong bansa.
Katumbas ng 4.4 percent ng gross domestic product (GDP), ang panukalang government-wide infrastructure budget ay P178 billion, o 13.8 percent, mas mataas kumpara sa P1.29 trillion na inilaan sa ilalim ng FY 2026 GAA.
Binigyang-diin ng DBM na ang layunin ay hindi simpleng dagdagan ang infrastructure spending. Ang mahalaga ay mas mahusay na infrastructure spending na may malinaw at nasusukat na economic at social returns—mula sa mas mabilis na paggalaw ng mga tao at produkto at mas mababang logistics costs, hanggang sa mas malakas na regional economies, mas maraming trabaho, at mas magandang access sa essential services. | Press Release from the Department of Budget and Management
About the Author
