Nasabat ng Bureau of Customs (BOC) ang tinatayang P199.72 milyong halaga ng hinihinalang ilegal na droga sa Ninoy Aquino International Airport o NAIA.
Kabilang sa nakumpiska ang 28.3 kilo ng hinihinalang shabu at 4.7 kilo ng hinihinalang kush o isang uri ng high-grade marijuana.
Natagpuan din ang ilang tuwalya at duvet na binabad sa hinihinalang liquid marijuana.
Ayon sa BOC-NAIA, dumating ang shipment mula Toronto, Canada, at idineklarang “personal effects.”
Nadiskubre ang mga kontrabando matapos ang intelligence profiling, X-ray examination, at K-9 sweeping na nagpositibo sa posibleng presensya ng ilegal na droga.
Patuloy ang imbestigasyon ng mga awtoridad para matukoy ang mga responsable at maisampa ang kaukulang kaso kaugnay ng mga kargamento.
About the Author
