Nasa 3,000 residente ng Malabon ang nakinabang sa iba’t ibang serbisyo at ayuda ng gobyerno sa “Handog ng Pangulo 2026” sa Malabon City, ngayong araw.
Ayon kay Malabon City Mayor Jeannie Sandoval, nagbigay ang Department of Social Welfare and Development ng ₱4 million na ayuda sa 2,000 benepisyaryo.
Samantala, ₱1.96 million naman ang ipinamahaging allowance ng Department of Labor and Employment (DOLE) sa 260 Government Internship Program beneficiaries.
May ayuda rin para sa 300 benepisyaryo ng Special Program for the Employment of Students (SPES).
Nasa 1,000 residente naman ang nakabili ng murang bilihin sa Kadiwa ng Pangulo, kabilang ang ₱20 kada kilo na bigas.
Kabilang din sa naghatid ng libreng serbisyo ang Department of Health (DOH), PhilHealth, National Bureau of Investigation (NBI), Philippine National Police (PNP), Department of Trade and Industry (DTI), Department of Justice (DOJ), Philippine Statistics Authority (PSA), at Technical Education and Skills Development Authority (TESDA).
Isinagawa ang aktibidad sa Malabon Sports Center at Atis Court sa Barangay Potrero, bilang bahagi ng pagdiriwang sa kaarawan ni Pangulong Ferdinand R. Marcos Jr.
About the Author
