Pormal nang natapos ng Philippine Coast Guard (PCG) ang paghahanap sa mga passenger cabin at crew areas ng nasunog na barkong MV June Aster sa karagatan ng Coron, Palawan.
Ayon kay PCG spokesperson Commodore Noemie Cayabyab, 100% nang naipasok ng response teams ang bridge, crew quarters, at mga passenger area, habang nasa 65% naman ng cargo hold ang naisuyod na. Magsasagawa rin ng secondary sweep upang matiyak na makukuha ang lahat ng ebidensya para sa patuloy na imbestigasyon.
Samantala, nagpadala na ng demand letter ang PCG sa operator ng barko upang agad na kumuha ng kaparehong salvor o kumpanyang magsasagawa ng salvage operation at magsuri sa structural integrity ng nasunog na barko.
Umayos na rin ang PCG ng legal team upang gabayan at tulungan ang mga biktima at naulilang pamilya sa kanilang mga claims. Huling naitala ang bilang ng mga nasawi sa 76 matapos matagpuan ang karagdagang 41 na labi, habang patuloy na pinaghahanap ang 12 iba pang nawawala batay sa manifest ng barko.
About the Author
