Pinaiigting ng Philippine Coast Guard (PCG), sa pamamagitan ng Coast Guard District Northern Mindanao, ang Baywatch Patrol operations nito sa iba’t ibang beach at baybaying lugar sa Northern Mindanao bilang bahagi ng Oplan Biyaheng Ayos: Undas 2026.
Nagsasagawa ang mga tauhan ng Coast Guard ng mahigpit na pagbabantay at safety patrols upang matiyak ang kaligtasan ng mga beachgoers, maiwasan ang anumang insidente sa karagatan at makapagbigay ng agarang tulong sa mga indibidwal na mangangailangan nito.
Layon ng hakbang na ito na mapanatili ang kaligtasan at seguridad ng publiko, lalo na sa inaasahang pagdagsa ng mga bakasyunista at bisita ngayong holiday period.
Muling pinagtitibay ng PCG ang pangako nitong pangalagaan ang publiko at tiyakin ang kaligtasan ng mga baybaying komunidad sa buong paggunita ng Undas 2026.
About the Author
