Nadagdagan ang mga pribadong developer na sumusuporta sa Expanded Pambansang Pabahay para sa Pilipino o Expanded 4PH program ni Pangulong Ferdinand R. Marcos Jr.
Ito kasunod ng paglagda ng Filinvest Land Inc. (FLI) ng Memorandum of Understanding kasama ang Pag-IBIG Fund para magbigay ng mas maraming homeownership options sa mga kwalipikadong Pilipino.
Sinaksihan ni Department of Human Settlements and Urban Development (DHSUD) Sec. Jose Ramon Aliling ang signing ceremony nina Pag-IBIG Fund CEO Marilene Acosta at FLI President Tristan Las Marias sa DHSUD Central Office.
Sa ilalim ng kasunduan, maaaring makakuha ang qualified homebuyers ng preferential financing rates, special discounts, home furniture packages at iba pang incentives para sa piling FLI housing units, alinsunod sa program guidelines.
Kasunod ito ng partnership ng Pag-IBIG Fund sa SM Development Corporation, Ayala Amaia at Avida.
Layon ng Expanded 4PH na palawakin ang access ng mga Filipino sa abot-kaya at disenteng pabahay.
About the Author
