Photo courtesy of Senate of the Philippines
Sinagot ni Senate Impeachment Court Presiding Officer Chiz Escudero ang procedural objections ni defense counsel Atty. Michael Poa kaugnay ng pag-apela sa July 6 ruling tungkol sa voting threshold sa impeachment trial.
Ayon kay Escudero, noong September 8 ay itinuring niyang appeal ang manifestation ni Senator-Judge Erwin Tulfo at itinakda ang proseso para rito.
Aniya, walang senator-judge ang kumuwestiyon noon sa propriety o timing ng naturang hakbang.
Sinabi ni Escudero na kung Rules of the Senate ang pagbabasehan, may itinakdang panahon para sa motion for reconsideration pero lumampas na ang naturang panahon kapwa para sa July 6 at September 8 rulings.
Samantala, kung 15-day period naman sa Rules of Court ang pagbabasehan, sinabi ni Escudero na September 23 ang ika-15 at huling araw para sa naturang panahon.
Gayunman, hindi aniya naaangkop ang mga probisyong ito dahil ang appeal ni Tulfo ay nagmula sa rules ng impeachment court at hindi isang judicial remedy sa ilalim ng Rules of Court.
Binigyang-diin ni Escudero na walang itinakdang deadline sa impeachment rules para sa pag-apela sa ruling ng presiding officer.
Kaya naman hindi aniya maaaring magtakda ang korte ng deadline na wala naman sa sarili nitong rules.
Dagdag pa ng presiding officer, ang paglipas ng panahon ay hindi nangangahulugang hindi na maaaring repasuhin ang isang naunang interpretasyon. Binanggit niya ang Supreme Court ruling sa People v. Iginiit ni Escudero na ang July 6 ruling ay hindi final judgment sa alinmang impeachment article, kaya nananatiling bukas para sa impeachment court ang posibilidad na muling suriin ang interpretasyon nito sa voting threshold.
About the Author
