Photo courtesy of Supreme Court
Sumalang na sa panel interview ng Judicial and Bar Council o JBC ang ilang aplikante para sa susunod na punong mahistrado ng Korte Suprema, kaugnay ng nakatakdang pagreretiro ni Chief Justice Alexander Gesmundo sa Nobyembre 6.
Unang sumailalim sa panayam si Supreme Court Senior Associate Justice Marvic M.V.F. Leonen, na humarap sa mga tanong hinggil sa kanyang mga kwalipikasyon, integridad, at mga plano para sa hudikatura.
Pinangunahan mismo ni Chief Justice Gesmundo ang JBC panel, kasama ang iba pang opisyal at kinatawan mula sa iba’t ibang sektor.
Kabilang sa mga miyembro ng panel sina Justice Secretary Fredderick Vida, Senator Francis N. Pangilinan, Representative Gerville R. Luistro, at mga kinatawan ng mga retiradong mahistrado ng Korte Suprema, akademya, Integrated Bar of the Philippines, at pribadong sektor.
Samantala, kasalukuyan namang sumasailalim sa panel interview si Associate Justice Alfredo Benjamin Caguioa.
Nakatakda namang humarap sa parehong panayam sa darating na Lunes, Oktubre 26, sina Associate Justices Rodil Zalameda at Japar Dimaampao.
About the Author
